Handasi.neT

لكل من يطالب بالتطوير في الموقع، أين أنت من هذا التطوير، لنعمل سوياً فيد الله مع الجماعة

توقفنا كثيراً عن الكتابة، قرابة الشهر ولم نحرك ساكن في رئيسية مجتمعنا!
ربما انشغالي بالعمل الحر حالياً هو من أبعدني بعض الشيء، ولكن ما زلت كما أنا، أرغب في تطوير وتحديث مجتمعنا المتواضع :).
في الفترة الأخيرة كنا نعمل أنا وبعض الأصدقاء والزملاء في تطوير “ويكي هندسي”، وبفضل الله قطعنا شوطاً كبيراً في هذا الفرع من الموقع، ولكن ما زلنا بحاجة للتطوير المستمر للويكي، لأن اعتماده الأساسي هو التحديث المستمر، من قبل أي شخص كان، وقد كان السبب في بداية العمل على الويكي قبل أي شيء آخر، هو حديث تم بشكل عفوي وأقرب للصدفة مع مدير معهدنا الحالي الدكتور عماد مشلح، حيث تحدثنا أنه لابد من التركيز أولاً على ما يحتويه المعهد من مواد ومدرسين واختصاصات، وكان هذا ما قد خصصنا له الويكي هندسي بالأساس، فبدأنا مشوار الويكي وما زال مستمر، ونحاول في هذه الفترة ضم معلومات كلية الهندسة المدنية إلى الويكي أيضاً، وقريباً سنفكر بكلية العمارة :).
تحدثنا للجميع بأنه بإمكان أي شخص المساهمة في هذا المشروع، المشروع ليس بحاجة لتخطيط كبير، فكرته بسيطة وغير معقدة ولا تحتاج المتابعة بشكل يومي من شخص واحد، هي نتاج عمل مشترك لا أكثر.

لنترك الويكي لمن يريد أن يهتم به حالياً ;)، ولننظر جميعاً بوضع الموقع ككل، كثير من العبارات عن الجّمود، الملل، عدم المتابعة، وما إلى ذلك!
هل سنبقى هكذا نتحدث دون الإصرار على التغيير ولو بمساهمة بسيطة؟
طلبي وببساطة، نريد مشاركة فعّالة، نريد القول والفعل، نريد فكرة وتنفيذها، نحن نعمل كمجتمع، يد واحدة لا تكفي، فأين هم المشاركون الفعليون؟

أنا لا أتحدث عن شخص بحد ذاته، أتحدث عن الجميع، وبنفس الوقت أتوجه بالشكر لكل من وضع يده معنا ولو بعمل بسيط، لن أذكر الأسماء حالياً، ولكن أحببت أن أوجه لهم هذا الشكر المتواضع.

لنبدأ بالتطوير حالياً وبأيدينا، لا اعتماد على شخص واحد بعد الآن، فيد الله مع الجماعة.

صراحاً لم أجد ما أكتب عنه، فقررت أن أكتب ما قد كاتبت، والسلام عليكم :).

10 أفكار عن “لكل من يطالب بالتطوير في الموقع، أين أنت من هذا التطوير، لنعمل سوياً فيد الله مع الجماعة”

  1. انا طالب قديم من المعهد الهندسي و اخنصاصي مساحة ما شاء الله عليكم و الله رجعتني 14 سنة لورا الله يسلم ايديكن على هي الفكرة و بصراحة ما كنت بعرف انو في موقع هيك و اكتشقتو اليوم بالصدفة على سيرش على جووجل المهم اني لما كنت بالبلد حاولت مرتين او اكتر اني التقي باحد الاساتذة القدامى و الفكرة هي تقديم بعض من خبراتنا للطلاب عن طريق محاضرات صغيرة غير مطولة عن عملنا باختصاص المساحة و اعطاء الطلاب فكرة عن الحياة العملية لكني لم اوفق لذلك سبيلا و السبب ان اجازاتي كانت كلها في الصيف فترة عطلة المعهد الهندسي
    وفقكم الله الفكرة كتير حلوة و ارجو ان نساهم فهيا معكم اذا كان هذا مقبولا
    و السلام

    1. أهلا وسهلا فيك زميلنا التاريخي :D، شرفت بيتك ومطرحك والله، وكادر الموقع بيرحب بأي فكرة أو مساهمة بتحب تعملها.
      هو صح الموقع هالفترة شبه واقف، يعني مافي لا تحديثات ولا تدوينات ولا شي، بس راجع خلال اسبوع إن شاء الله بشكل أقوى من ما كان عليه، ونشكر اهتمامك :).

  2. بالفعل تاريخي و رح صير مستحاثة بس طول بالك علي شوي (هاها)
    المهم انا عم شوف و بحبش بالمتلقى لشوف كيف ممكن نقلك عليه و شو بدو اذا كان بدو لاني ما لقيت تقسيمات على هوى الاختصاص
    طبعا اذا كان هدا الامر ممكن و مو صعب ممكن نقترحو عليكن و بعدين ندخل بالتفاصيل

    1. أهلين أخي نجوان، هلأ تقسيمات على حسب الاختصاص موجود هيك شي، إذا عندك مقترحات تانية أو أي شي بتقدر تساعدنا وتساهم فيه فيا ريت والله :).
      مع تحياتي.

  3. و الله ما تاخذني العتب على النظر و العمر
    كتير حلو
    بس مثلا انا فيني احكي بقسم المساحة طبعا ليش ما بتحط افسام فيه رح احكي مو مناحية المواد و بس و لكن من الناحية العملية و ما يحتاج الطالب في مستقبله العملي
    مثلا يكون في فسم خاص للاونوكاد المساحي , فسم خاص للاجهزة المساحية الالكترونية, فسم خاص لعلوم الجي بي اس, فسم خاص لعلوم نظم المعلومات الجغرافية
    فسم لعلوم الجيوديزيا و المساحة و الخرائط
    هي كلها اساسية هلا في علم المساحة و بيطلع منها تفريعات كتيرة و مفيدة على حسب حاجة الشباب طبعا لو شفتو انو هاد مناسب و مهم و ممكن تطبيقو
    هي طبعا اقتراحات مبدأية بس ممكن ما تكون هي كل شي و ان شاء الله نكون فدنا

    1. هلأ حكيك حلو بس هالشي مو ممكن يصير بالمنتدى، لأنو هيك ما عاد نلحئ أقسام، الأقسام الموجودة فيها تشمل كل هالحكي يلي حكيتو، بس أنا برأيي أنو هالشي لازم يصير عالويكي هندسي، بإمكانك تطلع عليه وتطلع عالموضيع المتعلقة فيه، وإذا بتحب اشرحلك عن الفكرة أكتر، فأنا جاهز :).
      ميت هلا

    1. مثلاً فيك تساهم بالويكي هندسي، أو فيك تساهم بالمنتدى بشكل عام، أو فيك تدون معنا هون برئيسية الموقع، تدوينات هندسية أو أي شي بيتعلق بالمعهد وطلابه، أنت شو اهتماماتك حتى خبرك عن هالشي أكتر :)، وشكراً لاهتمامك.

  4. انا اهتمامي بالمساحة رح يكون
    بس ما لقيت غير شغلات عامة عن المعهد و موادو و العلامات
    يعني مثلا ما لقيت شي الواحد يحط فيه انو يحكي او يتناقش عن الجي بي اس او عن ال جي اي اس مثلا

اترك رداً على Handasi.neT إلغاء الرد

لن يتم نشر عنوان بريدك الإلكتروني.